تلاوت سجدہ کے احکام و مسائل

  سجدۂ تلاوت کی مروجہ دعا   ضعیف   ہے​ ’’ سَجَدَ وَجْهِي لِلَّذِي خَلَقَهُ، وَشَقَّ سَمْعَهُ وَبَصَرَهُ بِحَوْلِهِ وَقُوَّتِهِ فَتَبَارَكَ اللَّهُ أَحْسَنُ الْخَالِقِينَ‘‘ ​ ترجمہ:’’ میرے چہرے نے اس ذات کے لیے سجدہ کیا جس نے اسے پیدا کیا، اس کی سماعت اور بصارت کو اپنی طاقتو بصارت کے ساتھ کھولا،با برکت ہے اللہ تعالٰی بہترین انداز سے پیدا کرنے والا ‘‘​ روایت :ضعیف​ حوالہ:سنن ابی داؤد:1414، سنن ترمذی:580، المستدرک للحاکم:800،801،802​ ​ ​ سجدۂ تلاوت کی  مسنون  دعا:​ اللَّهُمَّ اكْتُبْ لِي بِهَا عِنْدَكَ أَجْرًا، وَضَعْ عَنِّي بِهَا وِزْرًا، وَاجْعَلْهَا لِي عِنْدَكَ ذُخْرًاوَتَقَبَّلْهَا مِنِّي كَمَا تَقَبَّلْتَهَا مِنْ عَبْدِكَ دَاوُدَ ​ ترجمہ:’’ اے اللہ!میرے لیے اس سجدے کے بدلے اپنے ہاں اجر لکھ دے اور اس کےبدلے (میرے گناہوں کا) بوجھ ختم کر دے۔اور اپنے پاس اسے ذخیرہ بنا،اور مجھ سے اسی طرح قبول فرما،جس طرح تو نے اپنے بندے داؤد (علیہ السلام) سے قبول فرمایا تھا۔ ​ روایت:حسن​ حوالہ:سنن ترمذی:579، 3424، المستدرک للحاکم:799​

اسلام میں سجدے کی بڑی اہمیت ہے ، عبادت میں اس کا خاص مقام ہےاس کی وجہ یہ ہے کہ بندہ اس حالت میں رب کے لئے انتہائی عاجزی کا اظہار کررہاہوتا ہے ۔عبادت کی یہی وہ اہم کیفیت ہے جس سے بندہ اللہ سے بیحد قریب ہوتا ہے ، اس سے سرگوشی کرتا ہے اور خوب خوب دعائیں کرتا ہے۔ عَنْ أَبِي هُرَيْرَةَ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:أَقْرَبُ مَا يَكُونُ الْعَبْدُ مِنْ رَبِّهِ، وَهُوَ سَاجِدٌ، فَأَكْثِرُوا الدُّعَاءَ(صحيح مسلم:482) ترجمہ: حضرت ابو ہریرہ رضی اللہ عنہ سے روایت ہے کہ رسول اللہﷺ نے فرمایا:بندہ اپنے رب کے سب سے زیادہ قریب اس حالت میں ہوتا ہے جب وہ سجدے میں ہوتا ہے، لہٰذا اس میں کثرت سے دعا کرو۔ اللہ کو یہ ادا بیحد پسند آتی ہے اور لوگوں کو سجدہ کرنے کا حکم دیتا ہے ۔  فَسَبِّحْ بِحَمْدِ رَبِّكَ وَكُن مِّنَ السَّاجِدِينَ (الحجر:98) ترجمہ: آپ اپنے پروردگار کی تسبیح بیان کرتے رہیں اور سجدہ کرنے والوں میں سے ہوجائیں ۔  اللہ نے ابلیس کو آدم علیہ السلام کے لئے سجدہ کرنے کا حکم دیا تو انکار کرنے کی وجہ سے راندہ درگاہ ہوگیا۔اس لئے خالص ہوکر اللہ کے لئے سجدہ بجالائیں اور ...